kache Makan

Kache makano ki,

Yahi riwaayat hai..

Andhiyon ke daur me,

Saber ki azmaish hai..

Barsaat bhi to jab chahe,

Aa jaati hai ghar ke ander jaise,

Kache makano me khidkiyan nahi hoti..

Suna hai jindgi hoti hai wahain,

Jiski koi kimat nahi hoti..

Bas saber hota hai unke pass,

Ek naye kal ke liye..

Ek chahat hoti hai unke pass,

Ek nayi subha ke liye..

Kachhe makano ki,

Yahi riwaayat hai..

Andhiyon ke daur me,

Saber ki azmaish hai..

Written by Dev Verma

Khusnuma mausam...

Khushnuma mausam,

    Madhosh nazare..

Teri ankhon ke hai,

    Ye tilism saare..

Me dil ki kashti

    Le chala samander me,

Tufan ne kiye mujhko

    Tere hi hawaale..

Jisko bhi mile

     Khaw tere rangin,

Wo hi jaane teri

      Ankhon ke ishare..

Khushnuma mausam,

    Madhosh nazare..

Teri ankhon ke hai,

    Ye tilism saare..

Written by Dev Verma...

Tut ke aasmaa...

Tut ke Aasmaa kuch,
                 Yun mujhpe barsa.
Me ji na saka,
                 Maut mujhe le ja na saki..
Mere gamo ne kuch to le,
                 Liya tha mera.
Saath the sab magar lakin,
              Koi khushi mujhe hansa na saki..
Me tadapta raha kissi ke,
                 Pyaar ke liye umar bhar.
Mila jab wo mujhe saari,
                 Kaynaat bhi mujhe rula na saki..
Tera saher tha log tere the,
                 Aur tha tera hi fasla.
yakin maan koi gali fir,
                 tere dar tak ja na saki..
Tu gaya dur kuch iss,
                 Taraha meri jindagi se,
Ki meri koi sada tujhko,
                 Laut ke bula na saki..
Tut ke Aasmaa kuch,
                 Yun mujhpe barsa.
Me ji na saka,
                 Maut mujhe le ja na saki..


Written by Dev Verma...

Kabhi gujrenge wahain se

Kabhi gujrenge wahain se,

Jahain faslo ki jarurat nahi..
Milo sa faila samunder,
Aur humko kinaaro ki jarurat nahi..

Milenge fir kabhi,
Khamoshi me.. 
Thoda sunenge tumhe,
Thoda khud ko gungunayenge..
Mil ke tumhe,
Kisse naye sunayenge.. 

Tum itnaa sa yakin hum pe karnaa.. 

Lafjo ke bojh ko thoda hulka karna.. 

Kuch kahenge nii

Kuch sunenge nahi.. 

Bas khamoshiyon ki,

Baatain sun lenge..     
Mile ge kabhi uss par..
Jahan waqt ki kami
Aur aankhon me nami na ho..
Kabhi gujrenge wahain se..

Jahain faslo ki jarurat nahi..

Written by Dev Verma..

Chand Mera

Chand ki raah takte,

Badlo ke paar dekha..

Sitro ki betartib katare,

Andhera udelta koi samundar,

Jaise gujra ho wahain se..

Jiski parte ab bhi,

bikhri thi wahain pe..

Aaj der se tha,

Per aayega yakin hai

Sayad rasta bhulla,

Chand mera..

Koi humsafar na ho to,

Jindgi thodi si beasar rehti hai..

Ek aaisa hi safar pe,

Chal nikla tha chand mera..

Ab palak bhi to nahi jhapakti hai..

Intzaar lamba hua..

Sayad thak ke darakhto ki chaawn me 

Soya hoga kahin 

Chand mera..

Aaj na aao tum to wada karo,

Kal aaoge jarur,

tu hi hai humsafar mera..

mera falak,

Tu hi hai,

Chand mera..

Written by Dev Verma...

Mera Waqt...

Mera waqt bhi saath,

Mere chalta hai..
Me jo thehar jaau,

Ye bhi do pal rukta hai..

Azab kashmakash si hoti hai,

Khud ko samet lene me..
Dil fir bhi hr waqt na jaane,

Kyun machlta hai..

Yaado k Rango se saza,

Aasmaan sakun deta hai..
Fir bhi na jaane chand akele hi,

Kyun nikal padta hai..

Garo me paa k khushi fir bhi,

Dil khush nii 'dev'..
Udaas dil ko ab kon,

Yahain samjhta hai..

Written by Dev Verma...

Bematlab

Barish ki boondo jaisi,
Aaine se ristii..
Halke halke Tapakti hui,
Bina koi nishan chode..
Bematlab si..

Waise hi to hai,
Mere zajwaat..
Kissi k liye..
Koi nishan nii..
Bematlab se..


By Dev Verma…

Sapno ki dukane

Neendo ke darmiyhan hai,

Manjilo ki udane..

Khawahisho ki boriya,

Sapno ki dukane..

Jo bhi bunta raha,

Waise hi jita raha..

Man soyi ankhon se,

baatain karta raha..

Na swaal koi,

Na jawab koi..

Pairo me aasmaan,

Duriyon ka na hisaab koi..

Kismat ka rona nahi,

Lamho ka khona nahi..

Khud hi suljhe, Uljheh hue raste,

Khawo me jaadu tona nahi..

Neendo ke darmiyhan hai,

Manjilo ki udane..

Khawahisho ki boriya,

Sapno ki dukane..

Written by Dev Verma...

SHIKWAA

Na koi takrar hui.
Na kabhi karar aaya..

Khali dil, khali aankhen
Aur mera khalipan.
Jitna gujra tujhse me
Utna tujhpe pyaar aaya..

Labo pe taale,
alfaazo ki becheniya.
Mere dil ko raha ilm tera,
ankhon me na kabhi ekrar aaya..

Mile do raste jahain,
Safar ki duswaariyan khatam ho.
Mere hisse ki khushiyon ka,
Na kabhi aaisa mukkam aaya..

Na koi takrar hui.
Na kabhi karar aaya..

Written by Dev Verma...