Sapno ki dukane

Neendo ke darmiyhan hai,

Manjilo ki udane..

Khawahisho ki boriya,

Sapno ki dukane..

Jo bhi bunta raha,

Waise hi jita raha..

Man soyi ankhon se,

baatain karta raha..

Na swaal koi,

Na jawab koi..

Pairo me aasmaan,

Duriyon ka na hisaab koi..

Kismat ka rona nahi,

Lamho ka khona nahi..

Khud hi suljhe, Uljheh hue raste,

Khawo me jaadu tona nahi..

Neendo ke darmiyhan hai,

Manjilo ki udane..

Khawahisho ki boriya,

Sapno ki dukane..

Written by Dev Verma...

SHIKWAA

Na koi takrar hui.
Na kabhi karar aaya..

Khali dil, khali aankhen
Aur mera khalipan.
Jitna gujra tujhse me
Utna tujhpe pyaar aaya..

Labo pe taale,
alfaazo ki becheniya.
Mere dil ko raha ilm tera,
ankhon me na kabhi ekrar aaya..

Mile do raste jahain,
Safar ki duswaariyan khatam ho.
Mere hisse ki khushiyon ka,
Na kabhi aaisa mukkam aaya..

Na koi takrar hui.
Na kabhi karar aaya..

Written by Dev Verma...

Adhura rishta..

Kuch Khamosh sa reh gaya,
Kuch adhura sa reh gaya..
Duriyon ke darmiyan,
Ek rishta sa reh gaya..
Kabhi beh chala,
Kabhi tham gaya..
Kuch kehne sunne ka,
Bas irada sa reh gaya..
Khamoshiyon ka shor,
Kabhi shor me khamoshi..
Dahleez pe utra nahi,
Chand falak kaa..
Me zami pe chandni,
Bas takta sa reh gaya..
Kuch khamosh sa reh gaya,
Kuch adhura sa reh gaya,
Duriyon ke darmiyan,
Ek rishta sa reh gaya..

Written by Dev Verma..

Milenge kabhi hum chand ke paar..:-

Milenge kabhi hum chand ke paar,

Ek nayi subha me..
Ek nayi kahani ke saath..

Jahan phool mehkenge.
Tum bhi khiljaana thoda sa..
Unn phoolo ki taraha..
Mujhme mil jaana thoda sa..

khushboo ki tarahaa..

Milenge kabhi hum chand ke paar,
Ek nayi subha me..

Ek nayi kahani ke saath..

Ek naye arsh me.
Tum khawahisho ko likh dena..
Gunguni dhup me.
Apni chahat bayan ker dena..

Naa rakhnaa hisaab tum.
Naa rakhnaa koi jawab tum..
Naa bataana kitna lamba ye intzaar thaa.
Naa jataana tumhe mujhse kitna pyaar thaa..

Saare sawalo ka jaawab,
tum yun mujhe dena..
Apni khawahisho ko apne labo se,
Mere labo per rakh denaa..
Me pad lunga tumhe ahishta se.
Uss nayi subha me..
Milenge kabhi hum chand ke paar..
Ek nayi subha me..
Ek nayi kahani ke saath..

written by Dev Verma...

Tum sun lenaa..

Bhale tum uss paar baithe ho..
Aankhon me liye bahar baithe ho..

Tum ko chhu legi hawaa banke,
Meri dil ki chahat ye..
Tumhare dil se gujregi sarsarahat ye..
Tum sun lenaa..
Tum sun lenaa..

Duriyon ke iss paar..
Koi tumhe de rahaa aawaj..
Tum sun lenaa..
Tum sun lenaa..

Jiss pal teri dhadkane gungunayegi mujhko..
Teri Baaton me meri baaten, 

khilkhilaayengi tujhko..

Tere labo se julfe jab karne lage baatein..
Teri Palko pe jhilmilaayengi jab ye yadein..

Tum sun lenaa..
Tum sun lenaa..

Jo mene ab tak na kaha tumse..
Tum sun lenaa..

Written by Dev Verma...

Ek shaam mere sheher ki..

Ek shaam mere sheher ki..

Na jaane Kitne dino ke baad
Khud se kuch pal chhine..
Din bhar ki thakan ko baste sa
utaara tha kaandho se apne..
Sidiyo ke raste Chai ki chuskiya lagata
Pahuch gaya ghr ki chat pe..

Na jaane kitne dino ke baad
Aaj mila tha me uss se.
Suraj bhi to bujh raha tha aahista..
Jaise jalta diya taanga dur kahin..
Ek shaam utri thi aaj meri chat pe..
Ek shaam utri thi aaj meri chat pe..

Ek shaam mere sheher ki..

Written by Dev Verma

Ye ahsaas hai..

Koi ro k sota hai..
Koi has k sotaa hai..
Ye Ahsaas hai..
Jo aankhon me hota hai..
Beh jataa hai kabhi..
Ya fir reh jaataa hai kabhi..
Aankhon ki muder pe jhilmilaataa hai kabhi..
Dard ka nishan nii hotaa..
Jab chhot gehri ho..
Baaton ki parwaah nii..
Jab baat dil me thehri ho..
Ye ahsaas hai..
Jo aankhon se behta hai.
Ye ahsaas hai jo aankhon se behtaa hai..

Written by Dev Verma..