Ye ahsaas hai..

Koi ro k sota hai..
Koi has k sotaa hai..
Ye Ahsaas hai..
Jo aankhon me hota hai..
Beh jataa hai kabhi..
Ya fir reh jaataa hai kabhi..
Aankhon ki muder pe jhilmilaataa hai kabhi..
Dard ka nishan nii hotaa..
Jab chhot gehri ho..
Baaton ki parwaah nii..
Jab baat dil me thehri ho..
Ye ahsaas hai..
Jo aankhon se behta hai.
Ye ahsaas hai jo aankhon se behtaa hai..

Written by Dev Verma..

JISM APNI RUH DHUNDTA HAI..

Shaam ko hai mili,

Ek alga si jindgi..

Kisi bhi waste ka,

Na ab hai yakin..

Andhero me roshni dhundta hai..

Khaawo ko pata puchta hai,

Ye jism thak ke apni ruh dhundta hai..

Sitaro ki chaadar faila ke,

Jugnuo ka jamghat laga ke..

bite lamho ki shamma jala ke,

Yadoon ki kashti banake..

Samet laati hai aankhen manjer kai..

Jin kinaaro ko milti manjil nahi..

Dil mera na jaane kis sawaal ka,

Jawab puchtaa hai..

Andhero me roshni dhundta hai 

Khaawo ko pata puchta hai

Ye jism thak ke apni ruh dhundta hai..

Written By Dev Verma

Ek saans...

Ek saans.. aur ek aas.
Jindgi itni tanha bhi nahi..

Ek bhiga badal tu aasmaan kaa.
Ek me jalti zamin.
Ye pyaas itni adhuri bhi nahi..

Dil ko jab kinara mil jaayega.
Aankhon ko sitara mil jaayegaa.
Chandni sa bikherna tum aanchal apna.
Chand banke utrna kabhi chhat pe meri..
Badi sangdil si khaawahish hai..
Me jaanta hu.. mukkamal nahi..

Ek hisaab tera baaki  

Ek hisaab mera..

Ruh ka sakun tum le gaye..
Raato ko karwate tum de gaye..
Aur sirf tumhari yaad..
Ab ye jindgi itni tanha bhi nahi..

Ek saans.. aur ek aas.
Jindgi itni tanha bhi nahi..
Ek bhiga badal tu aasmaan kaa.
Ek me jalti zamin.
Ye pyaas itni adhuri bhi nahi..

Written by Dev Verma...

Aur bataao..

Aur bataao..
kuch...achhaa saa...
kuch saadaa saa..
Thodaa puraa..
Thodaa adhaa saa..
Baat ho sachhi..
Lakin jhut me lipti hui..
Kahani ho..
Lakin ho uljhi hui..
Naa chaand ho..
Naa ho chandni..
Geet to ho..
Lakin na ho raagni.
Kuch mujhe adhura khaaw hi bataa do..
Rakho dil me sab bas hont hi hilaa do..
Kuch to kaho..
Kuch to bol do..
Aur bataao..
kuch...achhaa saa...
kuch saadaa saa..
Thodaa puraa..
Thodaa adhaa saa..

Written by Dev...

Umar bhar k liye...

Apna her ek lamhaa.. apna her ek pal..
Apnaa her ek khaaw.. her ek baat..
Apnii her saasn.. apnii jindgi aur saath..
Apni din ki thakan.. aur apne becheniyo ka hisaaab..
Apni mithi si hasi..
aur kadwii jhunjhlahat..
Apnaa saare sitam.. aur apni rahaat..
Apni jhulfo ke saaye.. aur ankhon ki adaaye..
Apne ulte sidhe kisse.. aur chatpati baatain..
Kyaa dogi ye sab mujhe umar bhar k liye..
Kyaa banogi meri umar bhar k liye..

Apna her ek lamhaa.. her ek pal..
Apnaa her ek khaaw.. her ek baat..
Kyaa dogi ye sab mujhe umar bhar k liye..
Kyaa banogi meri umar bhar k liye..
Kya rahogi mere saath umar bhar k liye..

Written by Dev Verma...

Tum chhod gaye...

Waqt ki muder per wo pal aaj bhi rakhe hai..
Waisa hi, jaise tum chhod gaye..
Bikhre se ahsaas bhi chup hai..
Jinhe tum yun hi belafj tod gaye..
Kachhi dori thi, nazuk sa rishta tha..
Kinch ke saare resham tum khol gaye..
Chimni ki maanind sulagti hai yaad teri..
Aankhon se aansu ka kissa tum jod gaye..

Written by Dev Verma...

Ye aansu.

Beassar, bejuban sa hai..
Ahsaaso ka pighlta dhunyaa hai..
Khul ke behtaa nahi..
chup bhi rehtaa nahi..
Ye aansu,  Ab kuch kehta nahi...
Ye aansu,  Ab kuch kehta nahi...


tasaliyon ki koi ab numaish nahi..
silwato ki chahre pe azmaaish nahi..
thakan ki lakire risti hai aankhon se..
surkh lavo pe koi dua ki khawahish nahi..
waqt chhalakta raha..
dard jal sa gaya..
jahen me koi gehra sa nishan reh gaya..

koi ilzaam nahi..
kisi ki pehchaan nahi..
koi padna jo chahe inhe..
Ye aansu,  Ab kuch kehta nahi...
Ye aansu,  Ab kuch kehta nahi...

Written by Dev Verma...

Siwaa tere..

Tum nahi hote jab pass mere..
Kuch adhuraa saa rehtaa hai mujhme..
Thoda tutaa saa..
Thodaa chhutaa saa..
Thodaa gum saa..
Thodaa num saa..
Lakin kuch bhi bikhraa saa nahi..
Sabkuch palko me band..
Jaise sabkuch meraa..
Siwaa tere...
Siwaa tere..

Tum nahi hote jab pass mere..
Kuch adhuraa saa rehtaa hai mujhme..
Hasta  bhi hu..
Tadpta  bhi hu..
Lakin dhadktaa nahi..
Jindgi to hoti hai mujhme..
Per jitaa nahi..
Siwaa tere..
Siwaa tera..

Written by Dev Verma..

Fir kya tu soche...

Khaayalo me tere koi aazaad panchi ghus aayaa hai..
Kho diya wo jo tune ab tak paaya hai..

Titli si tu jo gar udnaa chahe,
Dhup me athkheli karna tu chahe..
Fir kya tu soche re pagli...
Fir kya tu soche re pagli...

Pakdna bhi chahe chhodnaa bhi chahe..
Man hase ye man hi roye tera...
Samjhe jo man to tu naa samjhe
Tu bhi naa jaane kya chahe man teraa..
Titli si tu jo gar udnaa chahe,
Dhup me athkheli karna tu chahe..
Fir kya tu soche re pagli...
Fir kya tu soche re pagli...

Jab dil udnaa chahe to roye tu apni zami ko..
Jab tu khud me rahe, kyun take fir aasmaan ko..
Babri si rahe apne me gumsum..
Has bhi de to paaye naa saawan ko...
Titli si tu jo gar udnaa chahe,
Dhup me athkheli karna tu chahe..
Fir kya tu soche re pagli..
Fir kya tu soche re pagli...

Written by 'DEV'..

Kissi roz jaag ke..

Kissi roz jaag ke,
Kuch kagaj pe khurcha tha mene..

Kalam ki nok bhi tapkti rahi thi Raat bhar..
Kitna saare ahsaas udele the un fike panno pe..
Sabkuch jo tumse me keh bhi na saka..
Ye bhi ki tum mere liye kya ho..
Her lafz nikal chala tha kashti ke sang..
Jaise tere sahil se takra ke therega..
Tujhko aawaaj dega..
Tujhko rok legaa..

Kissi roz jaag ke,
Kuch kagaj pe khurcha tha mene..

junun to tha un alfaazo me sayad..
Neend bhi aankho se lad na paayi..
Raat bhi uss tufan ko thaam naa paayi..
Subha ki bhor bahut pachida thi uss din..
Samjh hi nahi paya,  

me raat bhar jaagaa..
Yaa muddato baad ab jaaga hu...
Bahut dino baad suraj ki pahli kiran me,

muh dhoya mene..
Kuch badla sa to tha mujhme..
Jaise tu mujhse nikal gaya ho..
Sirf ab me tha apne sang..
Jaise Sabkuch beh gaya ho..
Fir bhi palke gili na thi..

Kissi roz jaag ke,
Kuch kagaj pe khurcha tha mene..

Me uth ke thodi der tehla tha uss din,

khidki ke ird gird..
Hawaa bhi Sehla rahi thi mujhe..
Kabhi jor se to kabhi halke halke..
Khaali ho gayaa tha me ander se aaj pahli baar..
Thodi der baad Kuch sunai diya dheema saa..
Wo mera ahsaas tha un panno pe ghissa huaa ...
Wo bhagna chahta tha,

uss panne ki chaar diwaro se..
Mene dekha tha pahle bhi, 

ahsaaso ke parindo ko udte hue..
Bas yahi soch ke gunth diya uss panne ko
Apni hateliye me..
Socha tha tum laut aaoge mujhme fir se..

Kissi roz jaag ke,
Kuch kagaj pe khurcha tha mene..

Jab der tak tum nahi laute..
Socha ek aakhiri baar dekhu tumhe..
Apne haatho me...
Apna aakhiri ahsaas dekhu tumhare liye..
Khol ke dekha jo part dar part,

uss ahsaso ki chhoti potli ko..
Uss pe ubhara hua tera naam thaa..
haa Wo tera naam tha...
Uss roz jaag ke tera naam
Kureda tha mene uss kagaj pe..

Written by Dev Verma...

Mujhe tum sirf apna bana lo..

Din le lo.. yaa fir raat le lo..
Thodi muthhi bhar zami thodaa aasmaan le lo..

Thodi si lakire apne haatho ki mitaa do..
Thodi si lakire khud apne haatho pe banaa lo..

Thoda sa chahre ko apne sawaaro..
Thodi si hasi apne honto pe sajaa lo..

Meri aankho me tumse bhichhadne ki tadap..
Thodi si tum bhi apni aankho me chhupa lo..

Ban jaao mere.. tum ban jaao naa..
Mere pyaar ko apne dil me basa lo..

Thodi si nazdikiyan aur thodi si jhunjhlahat..
Ye ishq ki aag tum bhi khud me jalaa lo..

Meri aankho me apni khushfamiyan de ker..
Mujhe tum sirf apna banaa lo..
Mujhe tum sirf apna banaa lo..

Written by Dev Verma..

YEH.. BAARISSHH..

YEH..BAARISSHH..

Aur tum...

Koi bheeg raha hai,
koi bheega raha hai,
Mausam haal dil ka suna raha hai..

Geet gungunati hawa,
chhu le jo jism tera.

Jhuk ke kali ghataa,
jo chhum le haath tera..

tere zulfo se tapkti barish ki boonde..
tujhme simatti ye barish ki boonde..

tera bhar lena hatheli pe,
Pighla badal aasmaan ka..
mere dil ki zurrat bata raha hai..
Mausam haal dil ka sunna raha hai..

Koi bheeg raha hai,
koi bheega raha hai,
Mausam haal dil ka suna raha hai..

Written by Dev Verma..

Haa tum yaad aate ho..

Bhigna kabhi barish ki boondo me,

Kabhi bhar lena okh me apni hatheliyo pe..

kabhi tapkte hue shital angaro ko dekhna khud se.

kabhi yaad karna tumko barasti boondo ke pardo se..

haa tum bahut yaad aate ho..

Jindgi bhi in boondo jaisi to hai,
bikharti hai jahain wahan ki ho jati hai,
tum bhi to barse the mujhpe kabhi,
katra katra udela tha tumne khud ko..
fir bhi na ho sake mere..

Written by Dev verma..

Ho gar izaazat teri..

Bade hi laazmi sabdo me,

             Baat karta hai..

Wo bebak hai fir bhi,

             Lehze se baat karta hai..

Uski khubsurti saadgi me hai,

             Wo jantaa hai..

Fir bhi nazre jhuka ke,

              Wo katleaam karta hai..

Rakhta hai wo raat  ko,

                Apni palko tale.

Sitare jaala ke wo,

                Chand se baat karta hai..

Sochta hu maang lu 

kabhi  Tumko Rab se, 

Ho gar izzazat teri...

Written by Dev Verma

tum mere ho jaao to

Apne chahre se julfe haatao to,

Apni palko ko thoda jhapkaao to.
Meri aankho me jhaanko umr bhar k liye.
Fir innme hi taa umr reh jaao to.

Apne labo pe naam thaam ke rakho thodi der.
Apne dil ko hamare liye dhadkaao to.
Jo saanso me ghul jaaye chashni sa.
Apne aankho se wo baat keh jaao to.

Haa baan jaao mere,
Puri kar do dua mere dil ki.
Meri aankho se chalko,

banke thandak mere dil ki.
Kabhi shaam aur sehar, apni baaton me.
Mujhko thodaa gungunaao to.

Aa jaao tum karib,
Saanso ka na ho gumaa.
Mera dil ke sahil se jab takraaoge.
Bas fir wahi reh jaao to.
Bas mere ho jaao to.
Tum mere ho jaao to.

Written by Dev verma

Koi ulfat ka nishan nahi..

koi ulfat ka nishan nahi.
chahre pe nur ka sarmaaya hai..
jism chamakta hai,
honto pe hasi chhalakti hai,
wo shaksh kissi ki yaadon ko piche chhod aaya..

bandisho ki kadiya tuti
ankhon se ladiya chhuti,
waqt ko paro se udta dekh
dard ki dil se manmaaniya ruthi..

tumse mila jo ab me, bejar mausam me bhi..
ek nanha pondha phool ka kone me ug aaya hai..

koi ulfat ka nishan nahi.
chahre pe nur ka sharmaya hai..
jism chamakta hai,
honto pe hasi chhalakti hai,
wo shaksh kissi ki yaadon ko piche chhod aaya..

By Dev Verma

Kabhi aao tum milne hamse..

Kabhi aao tum milne hamse

Aaise jahan me ..
Jahain phoolo ka mausam ho..
aur sardi me khili dhup ho..
Kabhi aao tum...

Kabhi do pal k liye chinn ke
dekho khud se khud ko hamaare liye..
Ruthe hai khudse hum na jaane kabse
Sirf tumhare liye..
Kabhi to chand ko niklne do tum
Halke halke kaali ghhatao se ..
Kabhi to tum saawaro chahre se
Apni jhulfe sirf hamaare liye..
Kabhi aao tum..
Kabhi aao tum milne hamse
Aaise jahan me ..
Jahain phoola ka mausam ho..
Or sardi me khili dhup ho..
Kabhi aao tum...

Written by Dev Verma

Tu nahi hai...

Kehne ko mere paas,

lafjo ki gathri hai..

Bayaan karne ko mere paas,

teri yaad sandli hai..

Tere hone ki Khushfamiyaa hai..

Teri baaton ki narmiyaan hai..

Tere aankho ke sharaare hai..

Tere khaawo ki tasaliyaan hai..

Per tu nahi hai..

Haa jaantaa hu tu nahi hai..

Mere paas, sirf tu nahi hai..

Jehen me uljhe saawaalo ki raakh hai..
Tujhse mile dil pe ab tak her wo chak hai.. 

Mere paas intzaar ki ghadiyaan hai..
Mere paas aansuyo ki jhaadiyaan hai..
Haamari baaton ki khaamoshiyaan hai..
Saath bitaaye paalo me sadiyaan hai..
Per tu nahi hai..
Haa jaantaa hu tu nahi hai..
Mere paas, sirf tu nahi hai..

Written by Dev Verma..

Firse wahi sard ratein.

Firse wahi sard ratein..
Firse bas teri yaadain..
Jahan me basi wo mulakatain..
Fir yaad aati teri mithi batain..
Aur me tanhaa... aur me tanha 

Tere bina..

Milo sa lamba fasla tujh tak..
Khamoshiyon ke hai base sanate..
Dekhaa nii tujhko muddato se..
Ankho me chubhte gaalo se riste..
Ashq bhi ruthe mujhse ye ankho se beh jaate..

Aur me tanhaa... aur me tanha 

Tere bina..

Aakhiri khawish hai meri tujhse..
Tum yu na mujhe yaad aayaa karo..
Ab jo saath nii humtum,
Tum Khaalish si dil ko de jaate..

Aur me tanhaa... aur me tanha 

Tere bina..

Written by Dev Verma

Never give up..

You can walk or you can run. Its your choice. If you have faith on your dreams. If you believe dreams come true. So never be afraid to dream. Because your dreams lead you towards your destination.

'Khaaw bhi kabhi sitaro se chamak jaate hai..
Jo pyaas ho manjil ki, safar ko bhi pankh lag jaate hai..
Uljhane jahen ki suljha na tu, bas chalta chal...
Rakh yakin khud pe, Raste khud sulajh jate hai..

Written by Dev Verma..

Love what you do and do what you love.

Sometimes, 'Be a photographer' spirit in me come out and inspired me to click something. It happens rarely with me. This vital spark leads me towards happiness. I feel very good when i randomly capture something. i always try to feel that moment so that i can cherish it forever. After seeing it so many times in my 'picture gallery', i love every tiny details which i can see in the picture which make my eyes twinkle like stars. I feel very good.   

Life is all about to explore yourself, and i am doing it. I do things which makes me exhilarate, these all are the things which keep me alive. So i always try to get some wee moment for myself and do things which i love.

I believe, this life is given to us to create it big. So dream more and enjoy every moment of it. You can choose anything which you like.


Love what you do and do what you love.

Written by Dev Verma..

Tere Bina... Tere Bina,

Tere Bina... Tere Bina,
Rutha hai mujhse Rab mera..
Tere Bina... Tere Bina,
Suna hai ye dil mera..
Tere Bina.. Tere Bina..


Tu  jo ab sang nahi..
Ab kahan meri jindgi..
Ruthi hai mujhse her khushi..
Her mod pe hai teri kami..
Tere Bina... Tere Bina,

Khamoshiyon ko chun liya..
Ab me dhadakta hi nahi hu..
apne hi saye me gum..
Ab me chamakta hi nahi hu..

Bejuban si takleef rehti hai juban pe..
me apne me rehta hi nahi hu..

Tere Bina... Tere Bina,
Rutha hai mujhse Rab mera..
Tere Bina... Tere Bina,
Suna hai ye dil mera..
Tere Bina.. Tere Bina..

hona chahe ruh meri fanaa.
jalta hai dil mere yahn..
Tapkta hai ankon se dhuyan..
Suna hai ye dil mera..
Tere bina.. tere bina..




Written By Dev Verma..

Haa fir bhi hasta hu..

Me khud me bujhta hu roz..
Aur fir thodi der khomoshi me..
Moti jaise bikharte dekha hai,
mene khud ko khud me..
Naa jaane kitni der talak,
main sanaato ko takta hu..
Haa fir bhi hastaa hu..

Kabhi shaam ki thakan jaisa..
Kabhi subha ki khushboo jaisa..
Her lamhaa gintaa huaa..
Me thodi der khud me simat jaata hu..
Apne kadmo ki aahat suntaa hu..
Bhid me jab gum ho jaataa hu..
Kabhi suntaa hu khud ko..
Kabhi khud se hi naraz sa ho jataa hu..
Haa fir bhi hastaa hu..

Written by Dev Verma..

Just Breathe..

Just breathe.. just breathe.

you need this.. so just breathe!!

Whenever you feel pain inside,
Something stuck in your mind. 
Tears are not flowing down ,
But your soul cries in deep sound.
you can't be even in your senses,
it's your life so be your guide.
Life is roller coaster, So Ride..
Just breathe.. just breathe.

you need this.. so just breathe!!

No one else comes to hold you,
Especially the one who torn you.
It's all your fault so deal it,
Rather it will more hurt you.
so many ups and so many downs,
you need to stand for your pride
Life is roller coaster, So Ride..
Just breathe.. just breathe.

you need this.. so just breathe!!

you need to sit with yourself  sometimes.
its better to be sing some rhymes.
let the pain pour out from you,
Be the person who lives in you.
what you like and what you wish,
who can comprehend you.
when everyone stand against you,
only that one can be in your side..
Life is roller coaster, So Ride..
Just breathe.. just breathe.

you need this.. so just breathe!!

Written By Dev Verma...