Adatan ek adat...

Adatan ek adat rahi meri.
Khamoshiyon me khamosh raha hu main..

Pair gile hue the dariyan ke paani me.
Jindgibhar chalta hi raha hu main..

Gunguna sa ahsaas dhup me mukkamal hai.
Sukha libas tan pe lipta raha..

Chand khushiyon me thehra hai sabkuch.
Waqt se pal mangta raha hu main..

Sard hawaao ki manind  gujra hu chhu ke.
Tujhe tujhse hi mangta raha hu main..

Adatan ek adat rahi meri.
Khamoshiyon me khamosh raha hu main..

Pair gile hue the dariyan ke paani me.
Jindgibhar chalta hi raha hu main..

Written by Dev Verma...

Kitne dino baad mila hu tumse..

Kitne dino baad mila hu tumse..
Sabkuch pahle jaisa hi hai..
sabkuch waisa hi rakha hai..

Mujhse aaj bhi samjh  nahi aata..
Jab tumhe jaana hi tha,
tum wapas aaye kyun..

Tum bilkul khaali pahle ki taraha.
Tumhari aankhe tumhari baatan
Tumhari rooh tak khaali..
Jaise koi nahi rehta wahan..
Sadiyo se khaali, ujda, viraan sa..
Kitne dino baad mila hu tumse..
Sabkuch pahle jaisa hi hai..
sabkuch waisa hi rakha hai..

Written by Dev Verma...

Chalte rehna..

Bas ab mujhe hai chalte rehna..
Thamna nahi, hai chalte rehna..
Ye safar hai mera.
Rasta hai mera..
Jagti aankhon me.
Khaaw hai mera..
Manjilo ki parwaah kise hai..
Sahil ki talaash ab kise hai..
Dhup bhi narm si lagti hai..
Ab rukne ki chah kise hai..
Khatam hota ni,
Jism thakta ni.
Chalte rehna hi agaaj sa lagta hai..
Manjilo se aage mera jahan lagta hai..
Ye safar hai mera.
Rasta hai mera..
Jagti aankhon me.
Khaaw hai mera..
Bas ab mujhe hai chalte rehna..
Thamna nahi, hai chalte rehna..

Written by Devverma ...

Udasiyon ki shaame..

Udasiyon ki shaame,
sannato ki raatain,
Jab koi na mila,
khud se hi ki kuch baatain..

Jab koi raaz hi nahi,
fir khudko kya hum bataate..
Chhalkte her kadam pe,
Hosh bhi mujhme yun hi kho jaate..
Rakh ke sine pe apne hazaaro gum,
Teri yaadon ko kyu hum bulaate,
Udasiyon ki shaame,
sannato ki raatain,
Jab koi na mila,
khud se hi ki kuch baatain..

Itni der kyun hui, itna gehra kyun tha,
Samander tha magar, thehra kyun tha..
Me dubne ki chah me nikla tha aaj,
Teri aankhon ka mujhpe pehra kyun tha..
Tune aawaj na di kabhi,
na jaane diya,
Tera humraaz tha fir bhi,
Na raaz diya..

Dil mera bujh jaaye,
Me dub jaau tujhme..
Sharab aag hai aaisi,
Me jal jaau usme..
Kabhi to bhulne de,
Mujhko kaid se aazad kar..
Tu mere saamne ho,
Mujhse der tak baat kar..
Hum bhi to kabhi tere chahre se,
Teri jhulfo ko haatatain.
Udasiyon ki shaame,
sannato ki raatain,
Jab koi na mila,
khud se hi ki kuch baatain..

Written by Dev Verma...