Meri Kahani...

Na koi alfaaz hai..

Naa koi ahsaas hai..
Ek ankahi...
suljhi si uljhi hui..
chand kagajo pe tapki hui..
Badi bedaag si nishaani hai..
Bas itni si meri kahani hai..

Ruhh me kharocho ke nishaan hai..
Her lamha Mom saa pighlaa huaa dil jalaa hai
Roshini si hai bahar, chamkti hui ..
Jism to andhere se bharaa hai..
Na koi junun hai..
Naa koi rawaani hai..
Badi bedaag si nishaani hai..
Bas itni si meri kahani hai..

Waqt ke thapedo se ris rahaa hai..
Chehraa ab mera aaine sa lag rahaa hai..
Log ab puchte nahi haal chaal mere 'dev'..
Her shaksh mujhe akhbaar sa pad rahaa hai..
Fir bhi to muskura ke jindgi bitaani hai..
Badi bedaag si nishaani hai..
Bas itni si meri kahani hai..

Written by Dev Verma..