Udasiyon ki shaame..

Udasiyon ki shaame,
sannato ki raatain,
Jab koi na mila,
khud se hi ki kuch baatain..

Jab koi raaz hi nahi,
fir khudko kya hum bataate..
Chhalkte her kadam pe,
Hosh bhi mujhme yun hi kho jaate..
Rakh ke sine pe apne hazaaro gum,
Teri yaadon ko kyu hum bulaate,
Udasiyon ki shaame,
sannato ki raatain,
Jab koi na mila,
khud se hi ki kuch baatain..

Itni der kyun hui, itna gehra kyun tha,
Samander tha magar, thehra kyun tha..
Me dubne ki chah me nikla tha aaj,
Teri aankhon ka mujhpe pehra kyun tha..
Tune aawaj na di kabhi,
na jaane diya,
Tera humraaz tha fir bhi,
Na raaz diya..

Dil mera bujh jaaye,
Me dub jaau tujhme..
Sharab aag hai aaisi,
Me jal jaau usme..
Kabhi to bhulne de,
Mujhko kaid se aazad kar..
Tu mere saamne ho,
Mujhse der tak baat kar..
Hum bhi to kabhi tere chahre se,
Teri jhulfo ko haatatain.
Udasiyon ki shaame,
sannato ki raatain,
Jab koi na mila,
khud se hi ki kuch baatain..

Written by Dev Verma...

Kabhi..

Kabhi ret sa ban fisal jaao
Band muthi se,
Kabhi waqt ban ke theher jaao..
Asmaan ki had kya hai
Gar jaanna chahto ho,
Ban ke parinda baadlo pe ithlaao..
Chamchamti dhup me
aksar jo chamkta hai..
Kabhi Utaar ke naqab mil aao..
Tum aaye gaye her dafa itne karib,
Koi jhutti muthi kasam to uthaao..

By Dev Verma

बरसात की एक शाम

Barsat ki ek shaam..
Ab or kyaa bataau wo shaam kyaa thi..
Me thaa or wo thi jo sirf meri duniyan thi..
Barish ki boonde uske baalo se tapakti hui 
uske chehre ko chum rahi thi..
Or chehre pe roshni kai rango ke 
indradhanush bana rahi thi..
Me usse gussa thaa fir bhi to usse 
dekhta hi jaa rahaa thaa..
Kyun naa dekhu apni hasi duniyan ko..
Uske kapte haatho ko pakad bhi naa saka..
Sayad Gussa jaaydaa thaa uss samaye mujhe..
Or Wo to pagli khush thi ki me milne aa gayaa bas..
Kal hi to hum lade the ki wo milna chahti thi or 
mene usse manaa bhi kiyaa 
ki me nii aa sakta.. Lakin fir bhi wo aayi..
Kitnaa gussa huaa thaa me usspe ki nii milnaa hai..
Lakin wo kuch sunti kahain thi..
Mujhse milne itni dur se aayi..
Gharwaalo se jhutt bolke jo aayi..
Usse to bas milnaa hotaa hai..
jaise wo mujhe dekhegi nii to uski itni 
khubsurat shaam jo khaarab ho jaayegi..
Usse dikhanaa bhi to thaa ki usse 
mujhse kitni mohabbat hai..
Barasat ki ek shaam mujhe pataa chalaa tha 
ki pyaar dikhayaa bhi jaataa..
Barsat ki ek shaam..
Wo bhi ek shaam thi..


Written by Dev Verma…

Koi piche reh gaya...

========xxx========

Koi piche reh gaya,

koi saath chala..

Karwa ban jindgi,

bas yun hi chalti rahi..

Thodi shikayatein rahi,

thoda parhej bhi raha..

Tane bano me jindgi,

Yun hi kal apna bunti rahi..

Mere alfaaj dhundh lete hai tere pata,

Mere khawo ko teri khushboo ka pata rehta hai..

Dil ka koi kona rahta hai sard,

Juba pe garm ahsaas tera rehta hai..

Kabhi meri dhadkan jale,

Kabhi meri saans jale..

Teri ankhon ki khamoshiyan,

Mujhme thehri rahi..

Koi piche reh gaya,

koi saath chala..

Karwa ban jindgi,

bas yun hi chalti rahi..

Written by Dev Verma...

Aaj intzaar karta raha

Aaj intzaar karta raha lakin,
Ankhon se do pal bhi na barsaat hui..
Humesha se sunta rehta tha ki,
Dil tutega to ankhon se samander bahega..
Jaise neer ko ab koi peer hi nahi,
Badal to hai lakin barsaat hi nahi..
Dil tutne ke kisse sunaa krta tha me..
Lakin aaj jaana dil kabhi kabhi tutta nii,
Bas bikhar jaata hai..
Kanch ki taraha lakin be-awaaj..
Jahan saanso ki fusphusahat to hoti hai magar,
Baagi samander si lehre nii uthti..
Bas khamoshiya sanjida ho jaati hai...
Jahan jeene ka ahsaas maut se kam nii hota..
Bas ek tapish hoti hai wahan..
Jahan khawahishe sard hoti hai..
Kuch gujar jaata hai hum se ahishta sa..
Wo chahte Beshaqal to hoti hai lakin beparda nahi hoti..
Janha raakh to hoti hai lakin aag nahi hoti..
Aaj intzaar karta raha lakin,
Ankhon se do pal bhi na barsaat hui..

Written by Dev Verma...

Bas Likhte Raho

Kalam ki akhri saans tak likho,
kagaj ke akhri padaaw tak likho..
jaha tak na raahte khatam ho,
tum us akhri chaanw tak likho..
Dard ki intha likho,
Mohobbat ki dastan likho..
Apno ke diye dard likho,
Parayo se hui baatain likho..
Her aah likho,
Paayi her wah wah likho..
Koi mushkile jo likho,
Suljha Rasta bhi likho..
Bas likhto raho..
Bas likhte raho..
Kalam ki akhri saans tak likho,
kagaj ke akhri padaaw tak likho..
jaha tak na raahte khatam ho,
tum us akhri chaanw tak likho..

By Dev Verma

http://devtheonlyone.blogspot.in

https://www.facebook.com/dev.verma.18041

Ye jaruri to nahi...

                             ======xxx======

Jo mujhe chahega 

Wo mujhe paa hi lega..

Jise me chahunga 

Usse Kho hi dunga..

Ye jaruri to nahi

Ki me haath uthau aur

Chand ko chhu lu..

Ye jaruri to nahi

Wo haath badaye aur me 

Uska haath na thamu..

Kuch fasle nazdikiyo se ho jaate hai

Duriyon me to bas intzaar hota hai..

Written Dev Verma...